Ez dut ukatuko Zurrumurik Ez egitasmotik Getxo antiarrazista izendatzera urrats kualitatiboa dagoela, benetako asmoen adierazpena. Baina ez da nahikoa. Ez da nahikoa gurera datozenen harrera 3. sektoreko erakundeen eskuetan uzten bada; ez da nahikoa abegia herritarren elkartasunaren gainean zamatzen denean (eta eskerrak, elkartasun-sare handia dagoela); ez da nahikoa aterpeetan lekurik ez egoteak pertsona batzuk kalean lo egitera behartzen dituenean; ez da nahikoa bizikidetzan sortzen diren arazoen aurrean erantzun bakarra poliziala bada; ez da nahikoa migrazio-teknikoaren hutsunea betetzen ez denean…
Asko esan daiteke Hego globaleko herritarrak Ipar globalera bultzatzen dituzten faktoreez: gerrak, baliabideen ustiapena, ideologia, sexu-identitateagatiko jazarpena… Hemen daudela, ezin gara horien atzean ezkutatu ezer ez egiteko, gure erantzukizuna ez balitz bezala. Asmoetatik harago, erabil dezagun efemeridea kalera atera eta benetako politika antiarrazistak exijitzeko.
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.