Imanol Pradales hautagai jeltzaleak mitina emango du zapatuan, hilaren 13an, Algortako Telletxe plazan. 18:30ean hasiko den ekitaldia, EAJk Uribe Kostan egingo duen Eusko Legebiltzarreko hauteskundeetako hitzordu nagusia izango da.
Lehendakarigai jeltzaleagaz batera, EAJko alderdikide esanguratsuek ere parte hartuko dute zapatuko ekitaldi politikoan. Hala, Pradalesek bere ondoan izango ditu Maite Ipiñazar legebiltzarkidea, Iñigo Urkullu lehendakaria eta Andoni Ortuzar EAJko lehendakaria, besteak beste.
EAJren programa osoa, hemen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!