Kemen Goitiandiak zuzentzen duen taldeak bosgarren postuan amaitu du 23/24 denboraldia. Domekako partidari dagokionez, Getxo Rugbyko jokalari Borja Viterik azaldu duenez, "ilusio handia genuen jokatu dugun final honengatik, baina, egia esan, aurkaria gu baino gehiago izan da, eta, beraz, La Vila zoriondu behar dugu egindako partidagatik".
Domekako norgehiagokak final baten garrantzia izan zuen bi taldeentzat, irabazleak Ohorezko Mailara igotzeko promoziorako postua eskuratuko zuelako. Getxoztarrek indartsu abiatu zuten partida, eta 12. minuturako 0-12 zenbatzen zuen markagailuak haien alde. Hala ere, une horretatik aurrera, Getxo Rugbykoek ezin izan zuten puntu gehiago eskuratu, eta valentziarrek gainezka egin zieten. "Amaiera tristea da guretzat, ikusita zer-nolako denboraldia egin dugun orain arte. Baina, egia da, elitezko taldeak maila handia eskatzen duela, eta, une puntualetan akats egiten duzunean, hau bezalako azken partida galtzera eraman zaitzake", azpimarratu du Viterik.
Hala ere, azpimarratu du oso harro daudela taldean, eta domekako porrotak indarra ematen diela hurrengo denboraldian borrokan jarraitzeko, are gehiago ikusita 16-18 jokalari etxean hazitakoak direla. "Horrek pentsarazten digu gero eta gehiago izan daitezkeela lehen taldean lehiatzen", ondorioztatu du Viterik.
๐๏ธ ๐๐๐๐ฆ๐ | Borja Viteri
— Getxo Rugby (@GetxoRugby) April 14, 2024
La Vila 32-12 Getxo#BultzaGetxo #DHBGrupoElite pic.twitter.com/WBgsv5zTIE