Algortako Kristo Erosle parrokiak 50 urte bete ditu eta, urtemuga hori ospatzeko, Eskuz Esku eta Lilura abesbatzek kontzertua eskainiko dute apirilaren 27an, zapatuan, 18:00etatik aurrera. Emankizuna elizan bertan izango da, eta sarrera doakoa izango da. Kontzertu hau parrokiaren urteurrenaren ekintzen barruan kokatzen da, joan den 2023ko urriaren 29an abiatu zituztenak.
Kontzertua elizan bertan izango da eta sarrera librea izango du. Bertan, egile ezagunen abesti sorta zabala izango da, hala nola Xabier Leteren Habanera, edo Jim Papoulisen We are the voices. Gainera, swahiliz interpretatutako abesti afrikar batez gozatu ahal izango da, baita Grease musikal ezagunaren abesti baten egokitzapena ere, gazteenen eskutik, beste askoren artean, euskaraz, gaztelaniaz edo ingelesez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
