Surfaren Herrien Sareak, 2022tik Getxo kide duenak, prozesu parte-hartzailea ireki du bere marka-irudia aukeratzeko. Uribe Kostako udalerri horretaz gain, sare horretakoak dira Ferrol eskualdeko Kontzeluen Mankomunitatea eta Carballo (Galizia), Castrillon (Asturias) eta Ribamontan al Mar (Kantabria) udalerriak. Prozesu horretan parte hartu ahal izango da online bozkatuz maiatzaren 5era arte.
Sare horren lehen ekintzetako bat da irudi korporatibo bat sortzea, "lankidetza horren espiritua eta hura osatzen duten helmuga turistikoen balioak irudikatuko dituena", udal-iturriek zehaztu dutenez.
Surfaren Herrien Sarea
Surfaren Herrien Sarea surfaren turismoa modu iraunkorrean kudeatzeko lankidetza-plataforma da, ingurune naturala zaintzeko eta parte hartzen duen herri bakoitzaren berezitasunak nabarmentzeko. Ekimen hau –extGenerationEU– Europar Batasunak finantzatutako Berreskurapen, Eraldaketa eta Erresilientzia Planari dagokio, Espainiako Gobernuko Industria eta Turismo Ministerioak antolatutako “Experiencias Turismo España” programaren bidez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
