Banda Gazteen 2. Alardea hartuko du Algortak zapatu honetan, apirilaren 27an. Kalejira bategaz hasiko da, 11:00etatik aurrera, eta, ordubete geroago, kontzertu bategaz amaituko da Andres Isasi musika eskolako sarreran.
Joan den ikasturtean, Getxok Azpeitian egin zen alardean parte hartu zuen, Juan de Antxieta Musika Eskolaren 40. urteurrena zela eta, eta aurten Getxoko ikastetxeak hartu du lekukoa.
Ekimenean parte hartuko dute Azpeitiko Banda Gazteak, Haize Txikiak Sakanako Musika Bandak, Errenteriako Herri Arte Eskolako Banda Txikiak, Doinua Musika Eskolako Banda Txikiak (Legazpi) eta Getxoko Andres Isasi Junior Band & Santos Intxausti Haize Txiki Taldeak.
Eguraldi txarra egiten badu, kalejira bertan behera utziko da, baina ez kontzertua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
