Getxoko toponimia ezagutzeko ibilbideak abiatuko dituzte martitzenean

Erredakzioa 2024ko mai. 13a, 12:38
Deskargatu Info Ahotsak :
es en fr

Areetako toponimia ezagutzeko irteera Bizkaia Zubitik irtengo da, maiatzaren 30ean.

Tokiko toponimia ezagutzeko ibilbideak abiatuko dituzte bihar, martitzenean, Getxon. Urtero bezala, udalerriko auzoak eta txokoak, eta euren izenak hobe ezagutzeko egitasmoa Bizarra Lepoan elkarteagaz elkarlanean antolatu ditu Udalak. Horietan, parte hartzaileek udalerriko toponimia eta historia, ondare kulturala, paisaia, geologia, fauna eta abar ezagutuko dituzte. Azalpenak euskaraz izango dira, eta norbaitek ulertzeko arazorik izango balu, bere mailara egokituko lirateke azalpenak.

Ibilbideak doakoak dira eta, herritar orori, ikastetxeei, euskaltegiei eta elkarteei zuzenduta daude. Ibilbideak hurrengoak izango dira:

  • Portu Zaharra: maiatzaren 14an, 18:30ean. Irteera San Nikolas eta Basagoiti kaleen arteko gunetik.
  • Andra Mari-Getxo bizikletaz: maiatzaren 16an, 17:00etan. Irteera frontoitik.
  • Neguri: maiatzaren 22an, 18:30ean. Irteera Karmen eleizatik.
  • Algortako Satistegi-Alango: maiatzaren 28an, 18:30ean. Irteera Satistegi plazatik.
  • Areeta: maiatzaren 30ean, 18:30ean. Irteera Bizkaia Zubia plazatik
  • Algortako Satistegi-Usategi: ekainaren 4an, 18:30ean. Irteera Satistegi plazatik.
  • Fadura-Hezeguneak: ekainaren 6an, 17:00etan. Irteera Fadura kiroldegitik.
  • Portu Zaharra: ekainak 11an, 18:30ean. Irteera San Nikolas plazatik.
  • Andra Mari: ekainaren 13an, 18:30ean. Irteera eleizatik.
  • Punta Begoña: ekainaren 18an, 18:00etan. Irteera Galerietako atetik.
  • Romo: ekainaren 20an, 18:30ean. Irteera Ibaiondotik.

Astean zehar, goizez, ikastetxeek ibilbideak egiteko aukera izango dute.

Informazio gehiago eta izen-emateak: getxo.toponimia@gmail.com  eta  627 899 320 telefono zenbakian. 

 

Kultura Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun