Ikama taldeak deituta, Palestinari elkartasuna adierazteko mobilizatu dira gaur ehunka ikasle Uribe Kostan, nazioarteok #StudentsForGaza ekimenari jarraituz. Gurean, Algortan egin dute manifestazioa, eguerdiko 12:00etan. Hain zuzen, Israelek Rafahn abiatutako ofentsibari erantzunez egin dituzte protestak, palestinarren aurkako "genozidioa" salatzeko asmoz.
200 ikasle inguru batu dira gaur eguerdian Algortan Palestinaren aldeko manifestazioan. Horretan, nazioarteko komunitateak Israelen aurrean "planto" egin behar dela aldarrikatu dute, eta Israelen erasoei aurre egiteko herriok dugun "arma nagusiena" elkartasuna dela azpimarratu dute.
Era berean, historikoki prozesu sozialetan ikasleriak izan duen garrantzia azpimarratu dute, eta oraingo honetan ere "eraldaketarako motore izatea" ezinbestekotzat jo dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!