Udalerriko eskola-bideen hobekuntza aldarrikatzeko asmoz, bizikleta-martxa handi bat egin zuten atzo, eguenean, Agenda Eskola 2030 proiektuan parte hartzen duten Getxoko eskoletako umeek. Txirrindulariak udaletxean elkartu ziren eta, bertan, musika eta bertsoen artean, manifestua irakurri zuten; ostean, Portu Zaharrera hurbildu ziren denak batera.
Bizikleta-martxaren bidez, eskoletara ailegatzeko bidegorrien egoera "traketsa eta eskasa" salatu eta mugikortasun jasangarria bultzatzea izan dute helburu. Horretarako, egoeraren berri eman diote Udalari, "egoerari irtenbide bat eman diezaion".
Ume guztiak aritu ziren bizikletan, Romo ikastetxeko neska-mutilak izan ezik; izan ere, tokiko irakasleek azaldu dutenez, ikasleetako batzuk ez zuten bizikletarik eta, hala, denak oinez ibilbidea egitea erabaki zuten.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
