Zurrumurruen kontrako ipuin kontalaria izango da datorren eguenean, maiatzak, 23, Romo Kultur Etxean, Getxo Antirrazista udal programaren eskutik, Elkarrizketa eta Garapenerako Kultur Aniztasunaren Munduko Eguna maiatzaren 21ean ospatzen dela eta. Bizkaiko Imazighen elkarteko Rakel Imaz Ridouane Chakouchek eskainiko du saioa, Haur Liburutegian, euskaraz, gaztelaniaz eta arabieraz, 5 urtetik gorako umeentzat. Sarrera librea izango da lekua bete arte.
Bestalde, eta Ibilaldiaren aurreko ekintzen artean, datorren astelehenean, maiatzak 20, 18:00etan, elkarrizketa bat izango da, Getxo Antirrazista programaren eskutik, Villamonteko kultur etxean. Izenburua Euskara, inklusiorako tresna al da? izango da, Rozio Luzes, Egizu euskara elkarteko kidearen; Boubacar Diof, Mbolo manteroen kolektiboko kidearen, eta Kilimar proiektuko Celeste Agueroren partaidetzagaz.
Azkenik, maiatzaren 26an, Ibilaldia jaiaren egitarauaren barruan, Ipuin kontaketa familiarra izango da San Nikolas ikastolan, 13:00etatik aurrera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
