2. Arriluze Txallenge igeri zeharkaldia egingo dute Getxon, ekainaren 29an

Nahia Martinez Gondra 2024ko mai. 20a, 15:38

Ekainaren 29an ekingo diote berriro ere Bizkaiko ur irekien proba nagusiari.

Getxok Bizkaiko igeri zeharkaldi zaharrena formatu berriztatu batean egingo du berriro ere: Arriluze Txallenge. Swim Camp Getxok antolatuta, ekainaren 29an ekingo diote berriro ere Bizkaiko ur irekien proba nagusiari. Abrako Zeharkaldi klasikoa, jatorriz Getxoko kostaldean ospatu zena 1934an lehen aldiz, formatu berrituagaz eta % 100eko elkartasun arimagaz itzuli da. Zeharkaldi solidarioa izango da, eta bildutako diru guztia zuzenean bideratuko da Leukodistrofien aurkako Europako Elkartera. Halaber, gaixotasun hori duen lagun bat da probaren antolatzaile eta parte-hartzailetako bat.

Ekitaldiak 3.000 metro inguruko proba bakarra izango du. Getxoko Kirol Portuan dagoen Arriluze itsasargi eta Ereaga hondartzaren ezkerraldeko izkinatik, Punta Begoñako galerien oinetara. Goizeko 11:00etan hasiko da eta 600 igerilari inguru espero dira. Iaz bezala, proba amaitu ondoren, Arriluze Txallengek animazioagaz batera jarraituko du Loroko zelaian, Arriluze eraikinaren aurrean, eta 17:00ak aldera amaituko da Still Riverren kontzertuaren bukaeragaz batera.

Probarako izen-ematea hemen egin daiteke. Bertan, “0 txanoa” izeneko atal bat dago, proban parte hartu ezin duten pertsona guztiek ekimenagaz kolaboratu ahal izan dezaten.

Kirolak Getxo

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun