Getxoko kirolklubek 19 campus antolatuko dituzte udarako, honako modalitate hauetan: gimnastika erritmikoa, saskibaloia, errugbia, igeriketa, atletismoa, futbola, patinajea, xakea, kirol egokitua, patinen hockeya, arrauna, eskubaloia, txirrindularitza, bela, surfa eta paddle surfa.
Eskolako udako oporraldietan, udalerriko hainbat klubek Getxo Kirolak-egaz batera sustatutako ekimen honen helburu bikoitza dela adierazi dute udal-iturriek: batetik, kirola eta aisialdi osasungarria sustatzea du helburu, baina, bestetik, Getxoko familiei lana eta denbora librea uztartzea erraztuko duten alternatibak ere eskaini gura dizkie.
Interesatuek jardueren informazio zehatza Getxo Kirolak-en webgunean kontsulta dezakete lotura honen bitartez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!