Getxoko zentrala Andra Mari Ikastolan eta Bizkerre taldean hasi zen jokatzen eta 15 urtegaz iritsi zen Lezamara. Bigarren talde zuri-gorritik igaro eta AEBetako futbol unibertsitarioan etapa labur bat egin ondoren, 2015eko martxoaren 1ean egin zuen debuta lehen taldeagaz, Juanlu Fuentesegaz. Azken partida 2022ko maiatzaren 15ean jokatu zuen, Lezaman, Sevillaren aurka. 2023ko martxoan ebakuntza-gelatik igarotzera behartu zuen hernia diskal batek seko geldiarazi zuen Muruetaren ibilbide profesionala.
Athleticeko Garazi Murua getxoztarra 29 urtegaz erretiratuko da
Garazi Murua Athletic Clubeko kapitainak 29 urtegaz futbola utziko duela jakinarazi du. Getxoztarrak hamar denboraldi eman ditu talde zuri-gorrian jokatzen, azken biak zuriz jantzita, bizkarreko lesio bat dela eta. Hala, Muruak 178 partida ofizial jokatu ditu, horietatik 164 titular gisa, eta 8 gol sartu ditu denbora horretan. Omenaldia egingo diote hilaren 16an San Mamesen, Sevillaren aurkako partidan, Ligako azken jardunaldian.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun