-Romo Kultur Etxean izango diren doako tailerrak hurrengoak izango dira: Café en compañía, astelehenetan, 10:30etik 12:30era; Retos para la mente, astelehenetan, 17:00etatik 18:00etara; Irakurketa erraza, eguenetan, 17:00etatik 18:00etara; eta Smartphone, martitze eta eguaztenetan, 17:00etatik 18:00etara. 60 urtetik gorako interesatuek izena eman beharko dute ekainaren 10etik 17ra RKEko hirugarren solairuko +60 Dinamizazio Zerbitzuan edo 944 660 022 telefono zerbitzuan.
Bestalde, Zineadin zinema zikloak Historias de una indecisa filma proiektatuko du ekainaren 27an, eta 3 bodas de más uztailaren 18an, biak 18:30ean hasita. Udako eskaintzan gidatutako bisitak ere izango dira, eskariaren arabera antolatuta.
Kanpoaldeko jarduerak
Laugarren urtez jarraian, Gimnasia kostaldean izeneko jarduerak ere itzuliko dira, ekainaren 20tik irailaren 30era bitartean, 10:00etatik 11:00etara, astelehen eta eguaztenetan, Txurruka parkean; martitzen eta eguenetan, Ereagako parkean, eta barikuetan, La Bola parkean. Gainera, aquagym jarduera bat izango da Ereagako hondartzan, martitzen eta eguenetan, 11:15etik 12:00etara. Azkenik, ordu berean, baina zapatuetan, kalistenia saioak izango dira, eta yoga saioak domeketan.
Jarduera horiek doakoak izango dira eta ez da izenik eman behar. Informazio gehiago: 688 824 111 eta ines@equiposwt.com