Bizkaiko Foru Aldundiak Areetako hondartza hautatu du Igeribideak programaren barruan parte hartzeko. Programaren helburua da aisialdiko igeriketa osasungarria sustatzea Bizkaiko kostaldeko hondartzetan, modu seguruan eta autonomoan. Horrela, Getxo izango da itsasoan igeri egiteko bi hondartza egokitu dituen Bizkaiko herri bakarra; izan ere, Ereaga Igeribideak ekimenean iaztik, udan ekimen hau martxan jarri zenetik, sartuta baitago. Hala, ekainaren 16an, domeka honetan masterclass bat egingo dute Areetako hondartzan, 10:00etatik 12:00etara.
Areetako hondartzak 190 metroko lerroa du igerian egiteko, eta bertan, Ereagan bezala, buiak jarri dituzte 50 metrotik 50 metrora, bainularien segurtasuna eta ikuspena indartzeko helburuaz. Era berean, hondartzaren inguruan informazio-panelak jarri dituzte eta bertan zenbait gomendio daude jasota itsasoan igeri egiteko.
Bizkaiko Foru Aldundiak masterclass bat antolatu du ekainaren 16rako, domeka, 10:00etatik 12:00etara bitartean. Doako prestakuntza hau zuzenduko zaie 16 urtetik gorako pertsonei eta igeriketako hastapen- edo tarteko maila dutenei, eta honako hauen inguruko gaiak irakatsiko zaizkie: segurtasuna, baldintza meteorologiakoen ezagutza eta itsasoan igeri egiteko entrenamenduen prestakuntza teorikoa eta praktikoa. Interesdunek izena eman dezakete Igeribideak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
