Udaldian Fadurako igerilekuetan edukiera-arazoak ekiditeko asmoz, protokolo berezia jarri du martxan Getxo Kirolak-ek. Hala, abonatuek lehentasuna izango dute eta, ondorioz, irailaren 8ra bitartean, udako denboraldia amaitu arte, ez da igerilekuetara sartzeko bonurik salduko, eta, eguraldiaren iragarpenak egun beroak iragartzen dituenean, abonatuak ez diren pertsonei ere ez zaizkie eguneko sarrerak salduko.
Getxo Kirolak-eko txartela duten pertsonei dagokienez, sorospen-langileek edukiera bete dela adierazten duten egunetan, soilik sartu ahal izango da erabiltzaileek igerilekuetan eta solariumeko eremuetan lekua libre uzten duten heinean.
Erakundeak bere web orrialdearen bidez jakinaraziko du protokolo hori zein egunetan aktibatuko den.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!