Uda gurean igarotzera etorri diren sei ume sahararrei harrera egin diete Getxon

Erredakzioa 2024ko uzt. 10a, 10:10

Udalbatzaren aretoan egin zieten harrera umeei eta familiei. © GETXOKO UDALA

Aljeriako Tindufeko errefuxiatuen kanpamenduetatik uda gurean igarotzeko heldutako sei ume sahararrei eta harrera.familiei ondoetorria egin zieten atzo, martitzenean, Getxoko Udalbatzako talde politiko guztien ordezkariek, Amaia Agirre alkatea buru zutela. Alkateak, gainera, eskerrak eman zizkion Oporrak Bakean programagaz kolaboratzen duen Atfal Sahararen aldeko Getxoko elkarteari eta baita umeak hartzen dituzten familiei ere euren konpromisoagatik.

“1994an BirGanduz dairarekin adiskidetu ondoren, bi urte geroagoz geroztik martxan dagoen ekimenarekin kolaboratzen dugu, beren helburuak betez, hau da,  oporrak ondo pasatzea, osasuna zaintzea eta sentsibilizazioa sustatzea, getxotarren artean beren errealitate zabaltzen dutelako. Umeek beren harrerako familiekin gozatu ahal izango dute uztailean eta abuztuan”, azaldu zuen alkateak. 

Bestalde, Mohamed Fadel, Fronte Polisarioko Euskadiko delegatuak eskertu egin zuen alkatearen, Udalbatzaren, familien eta erakundeen ekimenerako laguntza. “Haurrak saharar egoeraren enbaxadore ezin hobeak dira eta euskal gizarteak ematen duen elkartasuna eta laguntza politikoa oso garrantzitsua da”, nabarmendu zuen saharar ordezkariak.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun