Areetako eta Itzubaltzeta/Romoko hainbat gunetan 24 ordutan hondakinak gaika biltzeko 14 edukiontzi erre izana ikertzen ari da Udaltzaingoa. Horiez gain, beste lau edukiontzi ere kaltetu dira. Suhiltzaileek esku hartu dute, eta, gertaeraren ondorioz, Urdulizko Ospitalera eraman dituzte ama eta alaba bat, printzipioz, larritasunik gabe.
Astelehen goizaldean, 11 edukiontzi erre edo kaltetu zituzten Cristobal Valdes, Ibaigane, Gobela eta Kalamua kaleetan, eta, pasa den goizaldean, beste zazpi Zubiak, Maximo Aguirre eta Kalamua kaleetan. Horietatik 14 erabat kiskalita geratu dira; kalean aparkatuta zeuden lau ibilgailu kaltetu dira, baita fatxada bat, etxebizitza bateko pertsiana eta bi zuhaitz ere. Zerbitzu teknikoek garbiketa-lanak egin dituzte eta edukiontziak berritu dituzte.
Udaltzaingoak gertatutakoaren argiketa jaso du eta gertatutakoa ikertzen ari da. Udalak ekintza bandaliko horiek gaitzetsi ditu eta egilea edo egileak identifikatu ahal izatea espero du.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
