Bermeo Urdaibai denboraldiko liderrek gertu izan zuten Zierbena une oro, baina eurak izan dira azkenean zapatuko estropadako lehenak. Gorka Aranberrik gidatutako traineruak 19.49,32ko denboran amaitu zuen estropada eta Zierbenak berriz 3.70 segundo gehiago behar izan zituen. Orio izan zen hirugarren, liderrekiko 13.66 segundoko atzerapenagaz, eta bigarren txandan arituagatik, laugarren denbora onena Donostiarrarena izan zen.
Horrez gain, Arraun Lagunak taldeak garaiezin izaten jarraitzen du Euskotren Ligan. Zortzi puntu eskuratu zituzten zapatuan Getxoko uretan, lanak 10:37:36ko denboran amaituta. Bigarren posturako borroka handia egon zen Donostiarra eta Orioren artean, eta azkenean, Donostiarra izan zen azkarrena: Rufo Urtizberearen neskek 15.42 segundu galdu zituzten, eta oriotarrek, berriz, 15.80. Laugarren postuan, bigarren txandan aritu zen Hondarribia ailegatu zen, liderrarekiko 20.08ko atzerapenagaz.