Datorren urteko jaialdirako gaia zein izango den jakinarazi du Getxophotok: "REC". Gainera, zortzigarren urtez jarraian, mundu osoko artista bisualak gonbidatu dituzte antolatzaileek proposatutako gai horri buruzko haien ikuspegia partekatzera. Hala, euren proiektuak proposatu ahal izango dituzte sortzaileek, argazkigintza, bideoa, instalazioa, performancea, arte digitala edo beste edozein ikusizko adierazpide jorratuko duten proposamenakaz.
María Ptqk (Getxophotoko komisarioa), Veronica Fieras (Chaco argitaletxearen editore eta sortzailea), Maria Wills (ikertzaile eta komisario independentea) eta Carla Bacelar (Encontros da Imagem ekoiztetxea) epaimahaikideek hiru proiektu aukeratuko dituzte, programazioaren parte izango direnak eta jaialdiaren 2025eko edizioan erakutsiko direnak.
Iaz, deialdi honek harrera handia izan zuen nazioartean, eta 48 herrialdetako artisten 400 proiektu jaso zituen. Izena emateko epea 2024ko urriaren 31n amaituko da eta Picter plataformaren bidez egingo da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
