Joan den azaroaren 6tik 10era bitartean egindako bigarren eskuko liburuaren azokan bildutako dirua, 11.242 euro, Taldeka Lagunduz GGKEari eman diote Irantzu Uriarte Kultur Etxeko presidenteak eta Carmen Diaz Gizarte Kohesioko zinegotziak.
Azokan salgai zeuden liburuak, aldizkariak, koadernotxoak eta entziklopediak herritarrek emandakoak ziren, eta euro batetik gorako prezio sinbolikoan saldu ziren.
Oraingoan, ateratako dirua Beñat Enciondo Taldeka Lagunduz elkartekoak jaso du, eta "Lortzeko asmoa" proiektura bideratuko dute, Indian osasun-kontrolak dituzten gaueko ikasketa-zentroetan adingabeen oinarrizko ikaskuntzari lotutako arazo zehatzei aurre egiteko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!