Ertzaintzak 23 urteko gizonezko bat atxilotu zuen atzo, eguenean, adineko emakume bati bere etxeko igogailuan lapurtzeagatik, Getxon. Biktima ospitalera eraman behar izan zuten jasandako lesioengatik, Ertzaintzak jakinarazi duenez. Lapurreta azaroaren 4an izan zen.
Atxilotutako gaztea biktimaren ondoan sartu zen hura bizi den eraikineko igogailuan, lurrera bota zuen eta urrezko kate bat kendu zion, polizia-iturrien arabera.
Ertzaintzak irekitako ikerketaren ondoren, gertakarien ustezko egilea atzo, eguenean, atxilotu zuten. Azken urtean beste hiru aldiz atxilotu dute, horietako bi nagusitasun fisikoa eta indarkeria erabiliz egindako lapurretengatik, azaldu dutenez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
