Beste behin, Algortako Igeretxe hotela izango da ALBE Galaren agerlekua; abenduaren 15ean, bertsolaritza, dantza eta musika ospatuko dituen kultur ekitaldia 12:00etan hasiko da, eta Kristina Mardaras bertsolari iurretarrak jasoko du aurtengo Urrezko Ahobia saria, bertsolaritzari egindako ekarpenagatik.
Ekitaldiaren aurkezpena Miren Loizagak egingo du, eta, Paule Loizagaren gidaritzapean, Arrate Illaro, Kerman Diaz, Sustrai Colina eta Andoni Egaña bertsolariak arituko dira oholtza gainean. Gainera, ekitaldian dantza, zuzeneko musika eta koktel bat eskainiko dituzte bertaratutakoentzat.
Gonbidapenak mugatuak izango dira, eta parte hartu gura dutenek 605 704 385 telefonora deitu edo albegetxo@gmail.com helbide elektronikora idatzi beharko dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!