Gabonetako ospakizun-egunetako bazkari-afarietarako joan-etorri ugari egon ohi da udalerrian. Hori horrela, aparkatzeko aukerak errazte aldera, aurten ere aparkaleku gisa erabili ahal izango da Romo herri-ikastetxeko jolastokia; zehazki, abenduaren 24, 25 eta 31n eta urtarrilaren 1, 5 eta 6an.
Aparkatzeko ordutegia honako hau izango da: abenduaren 24ko (martitzena) 16:00etatik abenduaren 25eko (eguaztena) 22:00ak arte. Ordutegi bera izango da abenduaren 31tik urtarrilaren 1era eta urtarrilaren 5etik 6ra.
Seinaleei arreta jartzea eta baimendutako egonaldi-ordutegiak betetzea eskatu du Udalak; izan ere, garabiak patiotik irten ez diren ibilgailuak kenduko ditu aparkaleku gisa erabiltzeko ezarritako ordutegia amaitu ondoren.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!