Goizaldetik zerbitzurik gabe utzi duen matxura konpondu ondoren, 19:00etarako normaltasuna berreskuratu du Bizkaia Zubiak. Transbordadoreko arduradunek azaldu dutenez, zubiak behar zuen transformadorea zazpi ordu baino gutxiagoan egitea lortu du Electricidad Urkiri enpresak, “ohiko fabrikazio-denbora lau egunekoa denean”. Hori horrela, eskerrak eman dizkio enpresa horri.
Bart gauerdiko hamabiak aldera, zarata arraroak entzuten hasi ziren organ, eta mantentze-lanetako taldea zarata horien jatorria aztertzen aritu zen, matxura antzeman zuten arte.
Akatsa transformadorearen bobinan zegoen, eta hori konpontzerik izan ez dutenez, goizeko 03:00ak aldera, zubia gelditzea erabaki dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
