Urtea agurtzeko galaz jantzi dira Algortako Bertsolari Eskolako kideak Igeretxe hotelean, eta, urtero legez, ospakizun berezi horretan, musika, dantza eta bertsoak izan ziren protagonista nagusiak. Oraingoan, Kristina Mardaras Sedrun bertsolari eta irakaslea saritu dute Urrezko Ahobiagaz, herrigintzan euskara sustatzeagatik egindako lanagatik.
Abenduaren 15ean egin zuten galan, sarituaz gain, Arrate Illaro, Andoni Egaña, Sustrai Colina, Kerman Diaz, Kirmen Jauregi Lopez, Jare Beristain Kortabitarte eta Ekain Escudero Ayo bertsolariak ere izan ziren, Goizale Atxutegi jai-jartzailearen gidaritzapean.
Horiez gain, Miren Loizagak egin zituen aurkezpen-lanak eta ekitaldian Itxas Argia Dantza Taldeko kideen emanaldia, Folk Rippers taldeko musikariak, Maddi Argote dantzaria eta Joseba Agirre txistularia ere izan ziren, besteak beste.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!