Joan den astean egindako urteko osoko bilkuran, Getxoko udal-talde guztiek aho batez onartu zuten 760.000 euroko kreditu gehigarria, zehazki Bidezabaleko 1. eta 2. arrapalak –behekoak– eta Ereagako igogailua berritzeko lanak finantzatzeko.
Bidezabaleko arrapalak berritzeko lanetan 610.000 euro inbertituko dituzte, eta igogailuan, berriz, 150.000 euro. Iturriek gogoratu dutenez, puntu hori gobernu-taldeak (EAJ eta PSE-EE) eta PPk 2025eko Aurrekontu Orokorra onartzeko akordioaren emaitza da.
Horrez gainera, gogoratu dute Bidezabaleko gainontzeko arrapalak, 3. eta 4.a, berritzeko obrak, "ziurrenik", 2025eko lehen hiruhilekoan egingo direla.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
