Urtero bezala, irailean Getxoko Komiki Azoka ospatuko dute, eta aurten, ekitaldia estreinatuko dute pil-pilean dagoen gai bategaz: Adimen Artifiziala (AA). Irailaren 28an, zapatuan, mahai-ingurua egingo dute ilustrazioa eta komikia adimen artifizial sortzaileagaz nola harremantzen den aztertzeko, goizeko 11:15ean. Hala, Maitane Valdecantos, Kike Infame eta Jon Juarezez parte hartuko dute. Moderatzailea Patricia Millan izango da.
Adimen artifizial sortzailea marrazkilarien errealitatea aldatzen ari da. Teknologia horren gorakada sortzaileen lanetik elikatzen da eta hitzaldia honen bidez, AA sortzaileak jabetza intelektualaren eskubideak urratzen dituela eta egileek egoera hori saihesteko zer neurri har ditzaketen aztertuko dute.
Maitane Valdecanto moderatzailea, Audens abokatu-bulegoko bazkidea da 2019tik, eta jabetza intelektualaren, ikus-entzunezko zuzenbidearen eta adimen artifizialaren arloetan dihardu. Kike Infame, FADIPeko eta Euskal Irudigileak, Estatu mailako irudigile Elkarte Profesionalen presidentea da, eta bere egile lana hedabidearen dibulgazioagaz uztartzen du. Jon Juarezek ilustrazio, komiki eta animazioan egin du lan. Egile urduria, inguruneaz eta etorkizun berriak sortzeko dituen aukerez hausnartzen du etengabe.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
