Gobernu-taldeak hau nabarmendu duenez, “erretiroagatik hutsik dagoen espazio berriak abantailak ekarriko ditu, gazteen beharrei erantzuteko pentsatuta eta diseinatuta baitago. Lokala aldatuko da gazteei espazio duinak, erakargarriak, irisgarriak, handiagoak eta diseinu modernoagokoak emateko beharra dagoelako; hainbat jarduera garatu ahal izateko”.
EH Bilduk eta Elkarrekin Podemosek beren “harridura” agertu dute, udal-gobernuaren asmo hori ezagutzen ez dutelako, eta horrek "eztabaida demokratikoa mugatzen" duelako. Ildo horretan, gardentasun gutxi izatea leporatu diote. PPk, bere aldetik, azpimarratu du lokal horretan saltoki bat jarri beharko litzatekeela, udal-merkatuan dago-eta, eta Udalak ahalegina egin behar lukeela "enpresa-transmisioa ona eta egokia izan zedin lehenesteko”. EAJk eta PSE-EEk erabaki horretara iritsi arte emandako pausoen berri eman eta gogoratu dute "beti" defendatuko dutela udal-merkatuaren eta bere merkataritza jardueraren jarraipena, "baina lokala hutsik dagoela eta, azkenean, enpresa ekimen pribatuak ez duela aurrera egin kontuan hartuta, aukera ontzat jo da”.