Arrastiko 18:00etan emango zaie hasiera finalei, nesken 2. mailako partidagaz; horretan, Loreto eta Oihane aurrez aurre arituko dira. Jarraian, 18:45ean, mutilen 2. mailako lehia izango da, Aboitiz eta Orueta palisten artean..
Giroa berotzen joango da, eta 19:30ean, nesken 1go mailako final handia jokatuko da; Maite eta Jou norgehiagokan arituko dira txapela berenganatzeko. Ondoren, 20:15ean, mutilen 1go mailako azken norgehiagoka izango da, Urtiñe eta Seoaneren artean.
Finalen ostean, 21:00etan, sariak banatu eta indarrak berreskuratzeko mokadutxoak jateko aukera egongo da, eta bertaratzeko aukerarik izango ez dutenek txapelketa zuzenean jarraitzeko aukera izango dute Herrietako YouTube kanalean eta aplikazioan.
Guztira, 124 gizon-emakumek parte hartu dute abenduaren 26an abiatutako txapelketan, 33 nesken kategorian –10 lehenengo mailan eta 23 bigarren mailan– eta 91 mutil –40 lehenengo mailan eta 51 bigarren mailan–.