Udal-iturriek zehaztu dutenez, atxiloketa otsailaren 14an izan zen, gaueko 21:30ean, Algortan. Zerbitzuz kanpo zegoen agente betek ikusi zuen nola ustezko piromanoak pizgailu bategaz paper bat piztu eta edukiontziaren barrura bota zuen. Agenteagaz zihoan beste pertsona batek edukiontzitik atera ahal izan zuen sutan zegoen papera, eta berehala itzali ahal izan zuen sutea.
Bitartean, Getxoko udaltzaina ustezko egilearen atzetik segika hasi zen, Koordinazio Gunera abisua ematen zion bitartean. Bi patruila bertaratu ziren berehala eta atxilotu zuten gizonezkoa, kalte-delitu bat egotzita.