Getxoko Udalak eta udal-negoziazio mahaian ordezkaritza duten sindikatuek akordioa sinatu dute, absentismo kopurua % 6 ingurura murrizteko eta mantentzeko helburua lortze aldera. Era berean, udal-iturriek zehaztu dutenez, lanaldia pixkanaka murriztea ere adostu dute, 2027rako 7 ordukoa izateko.
Udal-iturriek azaldu dute alde guztiek onartzen dutela absentismoaren gainean jardutea, "eta elkarrekin eta zuhurtziaz lan egiteko konpromisoa hartu dute".
Aldi berean, lanaldia pixkanaka murriztea ere adostu dute, egungo eguneko 7:15etik 2027an lortuko liratekeen 7 ordutara.
Aste honetan bertan erabakiaren berri emango dute dagokion informazio-batzordean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
