Ikastetxe bakoitzak egun jakin bat izango du bere ikasleek esperientzia horretan parte har dezaten. “Horrela, oraindik ekimen hau ezagutzen ez duten familiek ekimenarekin bat egin ahal izango dute eta euren seme-alabek klasera modu seguruan joateko diseinatutako ibilbideak ezagutu ahal izango dituzte. Era berean, eskolara oinez doazenek ikaskide berriei lagunduko diete beren esperientziak kontatuz, beren ibilbideak erakutsiz edo elkar ezagutuz. Halaber, gainerako herritarrei erakutsiko zaie ikastetxeek mugikortasun osasungarri eta jasangarriaren aldeko apustua egiten dutela”, adierazi du Ingurumen Zerbitzuko zinegotzi arduraduna den Iñigo Urkitzak.
Ibilbideetan zehar, ikasleek, boluntarioakaz batera, horiek erabiltzeko ohitura hartu ahal izango dute, eta, horrela, bizi-ohitura osasungarri hori indartu ahal izango dute.
Izena emateko, ikasleek ikasgelan emango dieten inprimakia bete beharko dute, eta Ingurumen Zerbitzuak guraso guztiak animatu gura ditu ekimen hori babestera, "aukera bikaina baita haurrek modu dibertigarri eta desberdin batean ikas dezaten”, aipatu du Urkitzak.