Haira Aizpurua, Janire Arrizabalaga, Peio Lago, Naia Arrizabalaga, Ekhiñe Zapiain, Kelmene Abaitua, Jon Mendiluze eta Eukene de los Aires bertsolariak arituko dira bihar, otsailak 22, Abra Saria jasotzeko asmoagaz.
Euskal Herriko hainbat txokotatik etorritako bertsolarien arteko lehenengo kanporaketa 18:00etan jokatuko da Abian elkartean; lehen saio horretan Janire Arrizabalaga, Ekhiñe Zapiain, Jon Mendiluze eta Eukene de los Aires arituko dira.
Bigarren kanporaketan, aldiz, Haira Aizpurua, Peio Lago, Naia Arrizabalaga eta Kelmene Abaitua izango dira; 19:30ean, Salsidu tabernan.
Aurtengo txapela nork eramango duen aukeratzeko final handia 21:00etan hasiko da Azebarri txokoan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!