Abran, esaterako, itsasoaren eragina oso handia da, eta hondartzak, itsaslabarrak, lokatz eta harri estuarioetan Kantauriko kostaldeko itsas hegazti ugari egon arren (kaio hankahoriak, harri-iraulari arruntak, txenada hankabeltzak, antxeta mokogorriak, ubarroi handiak, koartzatxo txikiak izkirak, karramarroak eta arrain txikiak harrapatzen, murgil handiak…; neguan ohikoa ez da izan ohi, baina pottorro arruntak, martin arruntak, aliota handiak…, eta inoiz marikoi handiak ere etortzen dira), itsasertzeko labarretako harraparirik enblematikoenetako den belatz handiak, belatz gorriak, itsasikara zuriak, buztangorri ilunak… ere, ikus daitezke. Galeako itsaslabarretan eta Aizkorriren arteko eremua ere, egokia da pitxartxarrak, bele beltzak, ihi-txoriak... antzemateko.
Eta kostatik apurtxo bat aldenduta, Gobelatik Areetarako tartean, erreka ertzetan, ur landaredia dago, eta bertan nagusi dira ihiak, sahatsak eta haltzez betetako lezkak. Hemen uroilo arruntak, txio arruntak, basahateak… daude. Eta Boluen egokitutako begiratokietan, pazientzia handia eta zortea izanez gero, koartza hauskarak, istingorrak eta martin arrantzaleak (ezbairik gabe, ornitologo eta argazkilari askoren gogokoena) ikus ditzakezu.
Larrañazubin, Bolue errekak sortzen duen lautadan ibaiertzetako basoak daude, eta paraje hauetan hainbat basoko hegazti txiki eta ertain antzeman daitezke: pagausoak, okilak, gabiraiak… Beraz, txorizaletasunaren munduan lehenengo urratsak emateko, badugu zer ikusi eta zer ikasi oso urrutira joan gabe.
Bidali zure artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.