Bihar, zapatuan, independentzia erdigunean jarriko du Algortan Ernai gazte antolakundeak. Izan ere, "Algortatik Independentziara!" lelopean, gazteek egitarau zabala antolatu dute egun osorako. Ekimena apirilaren 17tik 20ra Berriozarren egingo duten Gazteon Eskutik Independentziara ekimenerako girotzea izango da.
Eguna 12:30ean abiatuko dute Katean egingo duten "Independentzia: tresna edo helburua?" berbaldiagaz. Jarraian, poteo eta erakusketa egongo dira, 14:00etan, Katean bertan.
15:00etan, bertso bazkaria egingo dute Abianen. Arrastian, 18:00etan, triki-poteoa hasiko dute Kabiarantzako bidean, non azken ekintza nagusia egingo duten, 21:00etatik aurrera. Bertan, kontzertuak, ekitaldia eta plater irekiak eskainiko dituzte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!