Datorren eguaztenean, hilaren 26an, Ramadana komunitatean ospatzeko jaia egingo dute Algortan, San Martin elizako txokoan, 19:00etatik aurrera. Bertan batuko dira, besteak beste, Agharas eta San Nikolas Zabalik elkarteetako lagunak, haien ohiturak erakutsi eta Ramadanaren esanahia bertaratuko direnei azaltzeko. "Bizipenak partekatu eta kulturen arteko zubia izan nahi duen elkartasunezko Iftar afaria ospatuko dugu".
Antolatzaileek azaldu dutenez, Iftar jaia ospatu eta arrazakeria eta xenofobiaren kontrako eguna aldarrikatuko dute martxoaren 26an, hainbat jardueraz eta musikaz gozatzen duten bitartean. Parte hartzeko modu bi egongo dira: afaria prestatzeko sukaldaritza tailerrean eta afarian, edo jaian eta afarian bertan. Aldez aurretik izena eman beharko da, hemen.
Ekimena Getxo Bizilagunak osatzen duten Getxoko Etorkinen Plataforma Federazioa, Ibilki eta Egizuk antolatu dute, Agharas elkarteko kide, San Nikolas Zabalik elkarteko kide eta Getxoko Udalaren laguntzagaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
