Klubeko banderaren igoerak, taldeen aurkezpenak eta oroitzapenezko maillotak hasiera emango diote ekitaldiz beteriko urteari. Egingo dituzten ekimenen artean, honako hauek nabarmendu dituzte: Euskadiko Txapelketa, kadete zein gazte mailan; gizonezkoen eta emakumezkoen kadete-junior mailako CRE Bizkaiko Txapelketa; klubeko kide guztiak bilduko dituen bizikletazko irteera;, Getxoko martxa herrikoia; 1975etik klubetik igaro diren korrikalari guztien arteko topaketa; eta Bizkaiko talde zikloturista guztiek parte hartuko duten martxa. Jarduera horiek klubak urtero antolatzen dituen jarduera guztiei gehituko zaizkie, baita ospe handiko proba tradizionalei ere, hala nola profesionalentzako Getxoko Zirkuitua edo Urdulizko Andra Mari Sari Nagusia Euskaldun egutegian.
Punta Galea Txirrindulari Elkarteak bere 50. urteurrena ospatzeari ekingo dio gaur
Mendeurren erdia ospatzeko denboraldi bereziari hasiera emango dio gaur, barikuan, elkarteak. Klubaren bandera altxatuko dute 18:15ean, Algortako Fadurako belodromoan, eta, ondoren, kiroldegiko ekitaldi-aretoan, urteko txapelketetan lehiatuko diren taldeak aurkeztu dituzte. Ekitaldian, gainera, parte hartuko duten proba guztietan txirrindulariek jantziko duten maillot oroigarria erakutsiko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun