Atzo, igandean, dei batek itsasoan gorpu bat agertu zela ohartarazi ondoren, Ertzaintzak eta Gurutze Gorriak bilaketa-operatiboa abiatu dute gaur Arrigunaga hondartzaren eta Galeako itsaslabarren aurrean, baina ez dute inolako aurkikuntzarik egin.
Eusko Jaurlaritzako Segurtasun Sailak jakinarazi duenez, atzo arrastian pertsona batek larrialdi zerbitzuei jakinarazi zien pertsona baten gorpua ikusi zuela itsasoan flotatzen.
Ertzaintza lehorrean eta helikoptero bategaz, eta Gurutze Gorria itsasoan, orduan hasi ziren Arrigunagako inguru horretan bilatzen.
Bilaketa-dispositiboa atzo 23:00ak aldera geldiarazi behar izan zuten, eta gaur goizean ekin diote berriro, baina ez dute aurkikuntzarik egin.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!