Eguazten arrastian, 75 pertsona inguru batu ziren Algortako San Martin elizako txokoan Iftar jaia ospatzeko. Getxoko Bizilagunak, Agharas elkartea eta San Nikolas Zabalik elkartearen arteko elkarlanari esker antolatutako ekitaldia izan zen, eta hainbat jatorri eta erlijiotako lagunek parte hartu zuten.
Erlijio eta jatorriko askotariko gizon-emakumeak hurbildu ziren jaira, eta, bertan, Ramadanaren esperientzia partekatu, elkar ezagutu eta kulturen arteko loturak sendotu zituzten. Hala, denak batera, baraualdia elkarregaz apurtu zuten afaldu aurretik, eta horren nondik norakoak azaldu zituzten.
Afaria mimoz prestatu zuten, eta ospakizuna giro onean amaitu zuten, txalapartaren hotsakaz eta Asammer Band taldearen musikak alaituta.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!