Antolatzaileek jakinarazi dutenaren arabera, EAEko hainbat eragile sozialegaz antolatutako ekimen horrek kirola, ingurumenaren zaintza eta gizarte-ekintza uztartzen ditu. Hala, besteak beste, Alberto Lorente, El Hombre de las Aguas, ur irekietako igerilari sarituak, Estatuko kostaldeak igerian zeharkatuko ditu etapaka, eta, bitartean, Enrique Herrero, Quique Bolsitas ezizenez ezaguna, hondakin-bilketak antolatuko ditu hondartzetan tokiko erakundeakaz batera.
Bai Bilbon bai Getxon garbiketa-ekintzak eta sentsibilizazio-jarduerak egingo dituzte, itsaso eta hondartzen zaintzaren garrantzia nabarmentzeko. Jai giroko topaketa hori familiei, elkarteei, kirol- eta aisialdi-taldeei irekia egongo da.
Egitaraua, Getxon
- 16:00 Topaketa, Ereaga hondartzan.
- 16:30 Ondoetorria Albertori.
- 17:00 Aurkezpena eta esker onak.
- 17:30 Garbiketen eta tailerren hasiera.