Aste Santuan bete-betean gaude, eta askok hartu dute motxila edo maleta gurea atzean utzi eta oporretara joateko. Baina kontrara, ez dira gutxi izango gure eskualdera bisitan etorritakoak ere: geroz eta turista gehiago ikusten da inguruotan. Eta ez da soilik Aste Santuko kontua. Oporraldietatik harago, Getxon porturatzen diren gurutzontzien denboraldia daborduko martxan da, eta milaka turista lehorreratzen dira gurean aldiro. Horren harira, zer iritzi dute herritarrek? Turismoa neurrizkoa da, ala gehiegizkoa?
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!