Getxon, hizkuntza-ariketaren antolaketa sustatzen duen batzordeak (Udala eta Bizarra Lepoan eta Egizu elkarteak) euren egoitzetan banatuko dituzte txapak, Algortako Basagoiti etorbideko 20. zenbakian eta Martikoena kaleko 16. zenbakian, hurrenez hurren.
Era berean, boluntarioen laguntzagaz, informazio-mahaiak ere jarriko dituzte Azebarrin (apirilaren 29an eta maiatzaren 6an), Bentan (apirilaren 30ean, eta maiatzaren 7an eta 14an), Areetako Xake plazan (maiatzaren 8an, 9an, 10ean eta 11n) eta Algortako Telletxe plazan (maiatzaren 12an, 13an, 14an eta 15ean).
Bestalde, bihar, martitzenean, 18:30ean, bilera irekia egingo dute Azebarrin, Euskaraldia antolatzen laguntzeko.