Areetako Joaquin Arellano kaleko eraikin bateko hainbat bizilagun etxetik atera behar izan dituzte gaur goizean koadro elektriko batean izandako sute baten ondorioz. Bizkaiko Suhiltzaileak bertaratu dira sua itzaltzera, eta, Bizkaiko Foru Aldundiko iturriek jakitera eman dutenez, egoera kontrolpean dago eta ez da kalte pertsonalik izan.
Goizeko 09:45 aldera, eraikina argirik gabe geratu da, eta ke ugari ateratzen hasi da beheko solairutik, transformadore elektrikoa dagoen tokitik. Bizkaiko Foru Aldundiko iturriek jakitera eman dutenez, egoera kontrolpean dago eta ez da kalte pertsonalik izan.
Ezbeharraren ondorioz, argindarrik gabe gelditu dira ondoko kaleak ere. Iberdrolako langileak lanean aritu dira zerbitzua martxan jartzeko berriro ere.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
