Euskaraldiak euskararen erabilera sustatzea eta tokiko merkataritzak euskararekiko duen konpromisoa ikusaraztea du helburu. Horretarako, parte hartzen duten establezimenduek erakusleihoetan Euskaraldian hartutako rola (Ahobizi, Belarriprest edo Irribizi) erakutsiko dute tokiko artista batek eskuz margotutako diseinuen bidez, ibilbide komertzial sortzaile eta identitatez betea sortuz.
Apainketaz gain, Euskaraldiak irauten duen egunetan, atxikitako establezimenduek 5.000 paper-poltsa pertsonalizatu baino gehiago banatuko dituzte bertan erosketak egiten edo kontsumitzen dutenen artean. Kanpainak sare sozialetan ere eragina izatea bilatuko du, parte hartzen duten negozioakaz bideoak argitaratuz.
Ekimen honegaz, Algortako Dendak elkarteak tokiko kulturagaz eta herritarren eguneroko bizitzan euskararen erabilera normalizatzeagaz duen konpromisoa berretsi gura du.
Algortako Dendak
Algortako Dendak irabazi-asmorik gabeko elkartea da, eta Algortako merkatariak elkartzeko asmoz sortu zen, haien interesak babesteko. Momentuan, elkarteak 83 bazkide ditu eta bere baitan sektore askotako saltokiak aurki daitezke: ehungintzak, loradendak, etxetresna elektrikoak, bitxi-dendak, burdindegiak, zapata- dendak, eta abar.