Joan den zapatuan, maiatzaren 31n, Gobela kiroldegia Brasilgo jiu-jitsuaren epizentro bilakatu zen Getxoko BJJ Kopagaz. Ekitaldiak tokiko zein nazioarteko 500 borrokalari baino gehiago bildu zituen, haurren kategorietatik hasita master mailaraino, gi (kimonoarekin) eta no-gi (kimono barik) modalitateetan. Goizetik bertatik, tatamiak maila tekniko handiko borroken eta errespetuz nahiz kiroltasunez blaitutako giroaren lekuko izan ziren.
Txapelketa FIJJD-k (Federação Internacional de Jiu-Jitsu Desportivo) eta Getxoko Riders Fight Club taldeak antolatu dute, kirol honen Espainiako Tourraren barruan, eta Getxoko Udalaren laguntza izan du.
Hona hemen egunak utzitako irudi batzuk, eta emaitzak, hemen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!