Egunez, gauez, familian, taldean eta barikutik domekara egingo dituzten bisita gidatu horietan Getxoko puntu desberdinetan kokatu dituzten erakusketak begirada berri bategaz aintzat hartzeko aukera eskainiko dute: testuingurua, artistak eta euren motibazioak.
Batetik, ekainaren 6an, barikuan, bisita gidatua egingo dute Algortako informazio-puntutik abiatuta, 21:30ean, Ereagoko lorategian 23:00etan bukatzeko.
Bestetik, ekainaren 15ean, domekan, hondartzako erakusketatik egingo dute bisita gidatua, 11:30ean, Begoñako galerietatik abiatuta. Bisita Algortako kasinoan bukatuko dute ordu bi beranduago.
Azkenik, ekainaren 21ean, zapatuan, Algortako erdigunean dauden argazkietatik txangoa egingo dute, 11:30ean, Algortako azokan hasita. Bisita bi ordu beranduago bukatuko dute kasinoan.
Bisita hauek bost euroko prezioa dute, eta parte hartzeko aurrez izena ematea beharrezkoa da. Izena emateko eta bisiten inguruko informazio guztia jasotzeko jo Getxophotoren orrialdera.