Geltoki berria Berangon daborduko martxan dauden beste BizkaiBizi puntuei gehitzen zaie, eta udalerrian izandako erabilera datu "bikainak" baieztatzen ditu, Udalaren arabera.
Udalaren esanetan, ekimen hau ez da isolatua, baizik eta bizikleta garraiobide nagusitzat hartzeko apustu zabalago baten parte da. Azken hilabeteotan hainbat ibilbide ziklagarri jarri dituzte martxan, herriko barne mugikortasuna eta inguruko udalerriakaz lotura hobetzeko asmoz.
Ildo horretan, Itziar Aguinagalde Berangoko alkateak honako hau nabarmendu du: “Bizikletaren aldeko apustua ez dugu aisialdirako aukera gisa soilik egiten; eguneroko mugikortasunerako tresna eraginkor eta osasungarri gisa ulertzen dugu. Geltoki berri honekin eta sortu ditugun ibilbide berriekin, Berango bizigarriago, konektatuago eta gizatiarrago baten alde egiten dugu.”