Antolatzaileek azaldu dutenez, otsailean Bilboko Guka mugimenduko eta Taupako kideen esperientziak jaso zituzten, eta "herrian euskalgintza herritar bat aktibatzeko beharra dagoela ondorioztatu genuen". Hala, bigarren deialdi bat egingo dute proposamen zehatz batzuen inguruan lan egiteko, hala nola udan zer egin, herriko euskalgintzaren egoera aztertu eta zeren inguruko formakuntzak behar diren zehaztu.
"Getxon euskaltzaleok zer?" lelopean, udalerrian euskalgintzaren aldeko herri-mugimendua aktibatzeko proposamenak lantzeko saioa egingo dute ekainaren 17an, 18:30ean, San Nikolas Ikastolan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun