Getxoko Udalaren arabera, handitzeak aukera emango du gimnasioan jarduera gehiago programatzeko eta zerbitzu hori erabiltzen duten abonatu kopuru handiari erosotasun handiagoa eskaintzeko. Lanak gaueko ordutegian egin dituzte abuztuan, eta horri esker gimnasioa normaltasunez irekita mantendu ahal izan dute. Igeltserotza, pintura, elektrizitatea, arotzeria eta suteetatik babesteko sistemak eta bideo-sistemak birkokatzea barne, 15.600 euro inguruko kostua izan du lanak.
Faduraz gain, Getxo Kirolakek beste gimnasio bat du Gobela kiroldegian. Biak daude abonatuen eskura, 39,30 euroan hilean (27,90 euro hamabostaldian), eta honako zerbitzu hauek eskaintzen dituzte: entrenamendu pertsonalizatuak, banakako dietak, oposizioetarako prestakuntza fisikoa, haurdunentzako entrenamendua edo lesioen errekuperazioa. 2024an, 2.050 pertsonak erabili zituzten instalazio horiek.